Årsmøte i Klepp Kunstforening

Årsmøte i Klepp Kunstforening tirsdag 2.februar 2016 kl.19.00 i Folgehuset på Hauabakken.

Årsmøtesaker og val. Enkel servering og trekning av kunstverk av Anu Allikas.

Alle medlemer hjarteleg velkomne.

Årsmelding for Klepp Kunstforening 2015

• Styret har hatt 8 styremøter og arrangert 4 utstillingar.

 

• Styret har bestått av:

Leiar:                          Torstein Østevik                                         på val

Nestleiar:                     Annvor Kyllingstad Undheim                1 år igjen

Sekretær:                   Torhild Helen Melstokkå                         på val

Kasserer:                    Brit Karlsen Ree                                        på val

Styremedlem              Torhild  Øgård                                           1 år igjen

Varamedlem:              Aud Elisabeth Askeland                         på val

Varamedlem:             Kjell Grude                                                på val

• Valkomite:

Viggo Johansen                             på val

Øyvind Kristiansen                       1 år igjen

Birthe Rubæk Ueland                   2 år igjen

 

Revisor: Gudrun Håland             på val

• Utstillingar 2015

Februar	Anu Allikas	keramikk
April	Egil Torin Næsheim	Maleri, teikningar, serigrafi
September	Cecile Anda	Maleri, collage, trearbeid
November  Jubileumsutstilling i samband med at kunstforeninga er 30 år	Craig Flannigan Ellen Kalvig Erling Valtyrson Per Odd Aarrestad Sigvard Marnburg	Trykk Trykk Mezzotint teikningar maleri

Utstillingane har vore varierte og særs godt besøkte. Utstillarane var godt nøgde både med besøk og salet.

• Klepp 24

Me har også dette året hatt stand på Klepp 24 i september. Me hadde med nokre maleri og kort frå alle utstillingane. I tillegg hadde me kort med info om oss, som me delte ut til interesserte.

*     Kunstnarbesøk; Kjell Pahr Iversen

Som ein del av markeringa av 30 års- jubileumet, var 20 medlemmar på kunst besøk hos Kjell Pahr Iversen 23. september. Me vart tekne godt i mot og fekk omvisning i atelieret. Kjell Pahr Iversen fortalte og viste korleis han jobba.
Det vart lodda ut eit maleri (kjøpt av kunstforeninga) i samband med markeringa, og den heldige vinnar;  Bjarte Steinsland fekk velja mellom fem flotte kunstverk.

Sjå også bilete og omtale på heimesida, facebook og instagram.

• Jubileumsutstillinga

Som ei markering av at kunstforeninga var 30 år, hadde me ei flott og vellykka jubileumsutstilling.

Torstein Østevik opna utstillinga og gav så ordet til dei fire kunstnarane som var til stades. Dei fortalte kort om arbeida sine.
Craig Flannigan                                  Ellen Kalvig               Sigvard Marnburg
Per Odd Aarrestad                        Erling Valtyrson

Deretter fortalte foreninga sin første leiar Jan Wiig, fleire morosame episodar frå tida si som leiar. Kjente kunstnarar vart nemnte, som Odd Nedrum, Oscar Sør Reime og Reidar Berge.

Til slutt heldt kultursjef i Klepp kommune, Ulf Ludvigsen ei fantastisk tale både i tempo og innhald  og erklærte utstillinga som opna.
Talen ligg inne på heimesida og er vel verd å lesa.

Sjå også heimesida klepp.kunstforening.no, facebook og instagram,

Etter utstillinga hadde kunstnarane og styret ein hyggeleg kveld heime hos Torhild  Øgård med god drøs, nydeleg mat og god drikke.

• Klepp kulturskule

Me har samarbeid  med Klepp kulturskule angåande musikkinnslag av elevar frå kulturskulen. Dette har vore vellykka, noko også kunstnarane var nøgd med.

Klepp Kunstforening har  72 betalande medlemmar.

Me har  vore på besøk hos Sigvard Marnburg og Gerd Åse Bråstein i forkant av utstillingane.

Det er fortsatt lånt ut seks bilete til kantina på Kleppe rådhus og seksten bilete til Sirkelen.
Det er skrive utlånsliste over bileta.

Det vil vera utstilling med Gerd Åse Bråstein under årsmøtet.

Det vert trekning av skulptur ”Biefangeren” av Anu Allikas til medlemmane som er til stades.

Dette året har me også blitt meir aktive på sosiale medier: facebook og instagram.

Kleppe  februar 2016

Styret i Klepp kunstforening

 

Anu Allikas med nokre av kunstverka frå utstillinga. Ein av figurane vert trukket ut blant årsmøtedeltakarane.