Utstilling med Terry Nilssen-Love

 

Opning fredag 12. september 2014 kl.19.00 og har opent to helger:

• Laurdag 13. september  kl. 13.00 – 16.00
• Søndag 14. september  kl. 12.00 – 17.00
• Laurdag 20. september kl. 13.00 – 16.00
• Søndag 21. september  kl. 12.00 – 17.00

Terry Nilssen-Love er fødd i Wallingford i England i 1942. Han kom til Noreg i 1974 og er busatt i Stavanger. Utdanninga har han mellom anna frå The Slade School of Fine Art og Goldsmiths College School of Art. Han har stilt ut kunsten sin i over 50 år og har hatt utstillingar både i Noreg og utlandet. Kunstverka er kjøpt av  mange mellom anna Norsk Kulturråd og Rogaland Kunstmuseum.

I slutten av mai i år brann det i Versgata 31 der Nilssen-Love hadde atelieret og lageret sitt. Ein frykta at den store kunstsamlinga var øydelagt for alltid. Trass i at byggningen var i ruiner hadde kunsten fått minimale skadar. Betonggulvet frå den tidlegare hermetikkindustrien kan ha redda kunsten, i tillegg gjorde brannvesenet ein kjempeinnsats ved å redda ut omlag 400 bilete.

 

Utstillinga i Klepp Kunstforening vert den første etter brannen og me ynskjer Terry Nilssen-Love velkommen til Haugabakka med maleri og grafikk.

 

Frå opninga fredag 12 septemberMange spente hadde møtt fram under opninga av utstillinga fredag og fleire kunstverk vart selde første kvelden.

Me fekk høyra flott klassisk gitar av Synneva Muren frå Klepp Kulturskule.

 

Leiar i Klepp Kunstforening Torstein Østevik (t.v.) overrekkjer Terry Nilssen-Love blomar under opninga. Nilssen -Love fortalde kort frå opplevingane med brannen i vår men mest om korleis kunstverka vert til og tankar om ein del spørsmål han ofte fekk av publikum.